Casa Maredda
Chì vole dì “Casa Maredda” ?
“ A Maredda” hè una parolla chì tratta di una pianta emblematica di a Corsica, è dino di u mediterraniu. A parolla scintifica hè Helichrysum italicum, veni da u grecu è voli dì : “Fiori di u soli” pà via di u so aspetu, di u so culori ciaddu è dino di u so muscu “caldu”.
A maredda, virtù ni hà mori è a so essenza hè cunnisciuta in u mondu sanu parchì entra in a cumposizioni di cusmetichi è altri midicini.
Hè dunqua a nostra passioni pà a Corsica, a nostra tarra natali (titulu di a canzona di prisentazioni di u situ è cantata da u gruppu ”i surghjenti”), è dinò a nostra passioni pà l’essenzi di i pianti aromatichi di a Corsica (era u me mistieru duranti 15 anni), chì ci ani datu l’idea, incù a me moglia Nathalie, di chjamà a nostra casa d’ospiti, a “Casa Maredda”.
Avà sapeti tuttu🙂
Antony Bozzi
Prupietariu
In u circondu
A Casa Maredda hè impiantata annant’à a parti sudu di u golfu d’Aiacciu, à 5 o 10 minuti in vittura da i più beddi marini di a Corsica suttana. Ci truvemu à :
- 5 minuti in vittura di a marina d’Agosta Molini.
- 10 minuti in vittura di un centru equestru.
- 10 minuti di u centru di Purtichju.
- 25 minuti di a cità d’Aiacciu è u so portu.
- 20 minuti di u campu d’aviazioni Napoléon Bonaparte
Punti Impurtanti
Scalata: 16:00-1:00
Partenza: 11:00
Reguli da rispittà :
- Hè pruibitu di fumà in casa
- L’animali di cumpagnia ùn sò micca accittati
- A privatisazioni di a nostra casa ùn hè micca pussibuli.
- Ùn si po micca festighjà in casa: i batesimi, matrimonii, anniversarii, o altri festi, ùn sò micca pussibuli in casa nostra.
Punti da ritene :
- Presenza di ghjatti in u circondu di a casa (ma micca in casa ;))
- Ùn si po micca scucinà in casa.
- Ci hè mori scali è scalini.
- I spazii cummuni sò sparti incù l’altri clienti è a nostra famidda.
- Pà rispettu pà l’altri clienti, dumandemu à a ghjenti di circà à un fà micca rimori doppu à 22 ori.
«Viniti à scopre a Corsica autentica franchendu a porta di a Casa Maredda pà i vostri vacanzi»